త్రిపురలోని సుర్మా నియోజకవర్గానికి ప్రాతినిధ్యం వహిస్తున్న బీజేపీ ఎమ్మెల్యే ఆశిష్ దాస్, బీజేపీలో చేరి తప్పు చేశానని, పార్టీ పనితీరు నచ్చక అక్టోబర్ 4న బెంగాల్లోని కాళీఘాట్ ఆలయం వద్ద గుండు చేయించుకున్నారు. ముఖ్యమంత్రి బిప్లబ్ దేబ్‌ను పదే పదే విమర్శించిన ఆశిష్ దాస్, పశ్చిమ బెంగాల్ సీఎం మమతా బెనర్జీ అధికార పార్టీలో చేరాలని నిర్ణయించుకున్నారు. కాళీమాత ఆలయంలో పూజలు చేసిన అనంతరం ఆశిష్ దాస్ విలేకరులతో మాట్లాడారు. త్రిపురలోని మాణిక్ సర్కార్ నేతృత్వంలోని 'లెఫ్ట్ ఫ్రంట్ ప్రభుత్వ పాలనను' అంతం చేయడానికి తాను కూడా బీజేపీతో పనిచేశానని, కానీ అది పెద్ద పొరపాటు అని ఆయన అన్నారు. తాను చేసిన తప్పును సరిదిద్దుకోవడానికే గంగలో స్నానం చేశానని ఆయన తెలిపారు. '2023లో బీజేపీ ప్రభుత్వాన్ని గద్దె దించే వరకు నేను గుండు కొట్టించుకుంటూనే ఉంటాను. ఈ రోజు, నేను గంగా నదిలో స్నానం చేసి కాళీఘాట్ ఆలయంలో ప్రార్థనలు చేశాను. ఎందుకంటే బీజేపీలో చేరడం నేరం. త్రిపురలో సమస్య ఒక్క బిప్లబ్ దేబ్ వల్లనే ఉత్పన్నం కాదు. బీజేపీ జాతీయ నాయకులు ఈశాన్య రాష్ట్రాలను సందర్శిస్తూనే ఉంటారు, కానీ ప్రజలు ఎదుర్కొంటున్న సమస్యలను మాత్రం పరిష్కరించరు' అని దాస్ అన్నారు.
పాపం. ఆశిష్ దాస్! ఏవేవో పదవులను ఆశించి ఉంటారు. అవేవీ దక్కకపోయేసరికి ఆక్రోశం పెచ్చుమీరి ఉంటుంది. లేదా అన్ని అధికార పార్టీల్లాగే ఈపార్టీలోనూ చేరిన వారికి డబ్బులు దండుకొనే అవకాశాలు వెల్లువెత్తుతాయని ఆశించి ఉంటారు. అది సాగకపోయేసరికి ఆశాభంగ కలిగి ఆక్రోశం పెచ్చుమీరి ఉంటుంది. అంతా గుండుసున్నా ఐపోయిందే అని సింబాలింక్‌గా గుండు కొట్టించుకున్నా రన్నమాట.
ReplyDelete