హైదరాబాద్లో జరుగుతున్న బీజేపీ జాతీయ కార్యవర్గ సమావేశాల్లో పాల్గొన్న ఉత్తరప్రదేశ్ ముఖ్యమంత్రి యోగి ఆదిత్యనాధ్ ఈ ఉదయం భాగ్యలక్ష్మి అమ్మవారిని దర్శించుకుని ప్రత్యేక పూజలు చేశారు. యోగితోపాటు బండి సంజయ్, రాజాసింగ్ సహా పలువురు బీజేపీ నేతలు ఉన్నారు. యోగి పర్యటన నేపథ్యంలో చార్మినార్ పరిసరాల్లో పోలీసులు భారీ భద్రత ఏర్పాట్లు చేశారు. పెద్ద సంఖ్యలో పోలీసులు మోహరించారు.
