తెలంగాణలోని నల్గొండ జిల్లా పెద్దవూర మండలం ఎనమీది తండాలో స్వచ్ఛంద సంస్థ గ్రామ పునర్నిర్మాణ సంస్థ ఆధ్వర్యంలో నిర్వహిస్తున్న హాస్టల్‌లో ఉంటున్న 12 మంది మైనర్ బాలికలపై అత్యాచారం చేసిన కేసులో ట్యూటర్, మేనేజర్‌కి జీవిత ఖైదు విధిస్తూ జిల్లా మొదటి అదనపు సెషన్స్ కోర్టు న్యాయమూర్తి నాగరాజు తీర్పు చెప్పారు. ప్రధాన నిందితుడు, ట్యూటర్ రమావత్ హరీష్ నాయక్, హాస్టల్ మేనేజర్ శ్రీనివాస్‌లకు యావజ్జీవ కారాగార శిక్ష, రూ.10,000 జరిమానా విధిస్తూ కోర్టు తీర్పునిచ్చింది. హాస్టల్‌లోని మరో మేనేజర్ సరితకు ఆరు నెలల జైలు శిక్ష పడింది. 12 మంది మైనర్ బాలికలపై హాస్టల్ ట్యూటర్ అత్యాచారం చేసిన విషయం తెలిసినా పోలీసులకు సమాచారం ఇవ్వకపోవడంతో ఆమెకు శిక్ష విధించారు. వీరు నిబంధనలకు విరుద్ధంగా హాస్టల్ నిర్వాహకులు బాలికలకు మగ ట్యూటర్‌ను నియమించారు.
