అబుదాబి టోర్నీలో ఆడిన నాదల్‌ స్వదేశానికి తిరిగి రాగానే నిర్వహించిన టెస్టులో స్పెయిన్‌ టెన్నిస్‌ స్టార్‌ రఫేల్‌ నాదల్‌ కు పాజిటివ్‌గా తేలింది. ఈ విషయాన్ని అతడు ట్విటర్‌ వేదికగా వెల్లడించాడు. అయితే, ప్రస్తుతం తన ఆరోగ్యం బాగానే ఉందని, ఆందోళన చెందాల్సిన అవసరం లేదని తెలిపాడు. ''అబుదాబి టోర్నమెంట్‌ తర్వాత స్పెయిన్‌కు తిరిగి వచ్చాను. ఈ సందర్భంగా నిర్వహించిన పీసీఆర్‌ టెస్టులో కోవిడ్‌ సోకినట్లు నిర్దారణ అయింది. కాస్త ఇబ్బందిగా ఉంది. అయితే, కంగారు పడాల్సిందేమీ లేదు. నాతో సన్నిహితంగా మెలిగిన వాళ్లకు నాకు కరోనా సోకిన విషయం తెలిపాను '' అని నాదల్‌ పేర్కొన్నాడు. 20 సార్లు గ్రాండ్‌స్లామ్‌ విజేత అయిన నాదల్‌ కాలి గాయం కారణంగా పలు టోర్నీలకు దూరమైన సంగతి తెలిసిందే. ఈ క్రమంలో అబుదాబి వేదికగా జరిగిన ముబదాలా వరల్డ్‌ టెన్నిస్‌ చాంపియన్‌షిప్‌తో పునరాగమనం చేశాడు. ముర్రే చేతిలో ఓటమిపాలై ఇంటిబాట పట్టాడు.
