రోదసిలో తొలి సినిమా షూటింగ్‌కు ఓ చిత్ర యూనిట్ సిద్ధమైంది. వచ్చే నెల 5న ఇద్దరు వ్యోమగాములు, ఇద్దరు సినీరంగ నిపుణులు అంతర్జాతీయ అంతరిక్ష కేంద్రానికి (ఐఎస్‌ఎస్‌) వెళ్లనున్నారు. వీరిని సోయజ్‌ ఎంఎస్‌-19 అనే అంతరిక్ష వాహనంలో ఐఎస్‌ఎస్‌కు రష్యా పంపుతోంది. దర్శక నిర్మాతలు మాట్లాడుతూ అంతరిక్షయానం గురించి ఎప్పుడూ ఆలోచన కూడా చేయని ఓ వైద్యుడు అనూహ్యంగా ఓ వ్యోమగామిని కాపాడేందుకు రోదసికి వెళ్లాల్సి రావడం తమ సినిమా ఇతివృత్తమని తెలిపారు.
