బ్రిటన్‌ లోని ట్రోబ్రిడ్జ్ కు చెందిన 52 ఏళ్ల జాన్ స్ట్రెంబ్రిడ్జ్ గత సంవత్సరం నేషనల్ లాటరీస్ సెట్ ఫర్ లైఫ్ నుండి లాటరీ టికెట్ కొనుగోలు చేసినప్పుడు, అతను దాని గురించి పెద్దగా పట్టించుకోలేదు. డిప్పర్ అని పిలువబడే స్థానిక ఓ పక్షితో విజయవంతంగా ఫోటో షూట్ చేసిన తరువాత, జాన్ లాటరీ టికెట్ తీసుకోవడానికి ఇంటికి వెళ్ళేటప్పుడు ఒక దుకాణం వద్ద ఆగాడు. గ్లౌసెస్టర్షైర్ లోని స్ట్రౌడ్లోని సమీప వెయిట్రోస్ దుకాణంలోకి వెళ్లి టికెట్ కొన్నాడు. జాన్ గత సంవత్సరం మే 18న టికెట్ కొన్నాడు. కానీ., వారాల తరువాత వరకు దాన్ని తనిఖీ చేయలేదు. ఒక రోజు ప్లాస్టరింగ్ పూర్తి చేసిన తర్వాత తాను తన వ్యాన్లో కూర్చుని కాఫీ తాగుతున్నప్పుడు బాల్కనీ వెనుక ఉన్న టికెట్ ను గమనించి, అది కొన్న దుకాణం లోపలికి వెళ్లి టిక్కెట్లను తనిఖీ చేసుకుంటానని అనుకున్నాడు. దుకాణ సహాయకుడు దానిని తనిఖీ చేయడానికి మిషన్ లో ఉంచినప్పుడు, మిషన్ నిజంగా వింత శబ్దం చేసింది. అది అతను ఇంతకు ముందెన్నడూ విననిది. ఆ వింత శబ్దం అది ప్రత్యేక టికెట్ కావచ్చు అని జాన్ ను ఆలోచింపజేసింది. అది గెలిచిన టికెట్ అని స్టోర్ అసిస్టెంట్ ధృవీకరించి, టిక్కెట్ పై ఉన్న నంబర్ ను సంప్రదించమని కోరాడు. అప్పుడు కూడా, జాన్ ఎక్కువగా కూడా డబ్బు వస్తుందని ఆశించలేదు. ఏదో గరిష్టంగా 100,000 రూపాయల విజయాన్ని ఆశించాడు. తాను మొదటి బహుమతిని గెలుచుకున్నానని తెలుసుకుని అతను ఆశ్చర్యపోయాడు, ఇది రాబోయే 30 సంవత్సరాలకు నెలకు కోటి రూపాయలు ఇవ్వనునట్లు విషయాన్నీ తెలుసుకున్నాడు. ఇక విషయం తెలుసుకున్న జాన్ ఇలా అన్నాడు. “త్రోవెల్స్ ఉపయోగించే యుగం ముగిసింది. నా కుటుంబం కోసం ప్లాస్టర్ ధూళితో ఇంటికి తిరిగి వచ్చే రోజులు పోయాయి. మన జీవితాలు కోలుకోలేని మార్పులకు లోనయ్యాయి. నేను ఇప్పుడు నా కుటుంబానికి, సన్నిహిత సహచరులకు ఎటువంటి భయాలు లేకుండా సహాయం అందించగలిగినందుకు చాలా సంతోషిస్తున్నాను. ప్రతి నెలా 100,000 పౌండ్లు (1 కోటి రూపాయలు) పన్ను రహితంగా పొందడం అసాధారణమైనది ” అని అన్నారు.
