ఢిల్లీ ముఖ్యమంత్రి అరెస్టు అనేది ఆయన స్వంత అవసరాల వల్లే జరిగిందని సామాజిక కార్యకర్త అన్నా హజారే అన్నారు. 'మద్యానికి వ్యతిరేకంగా గళం విప్పిన అరవింద్ కేజ్రీవాల్ ఇప్పుడు లిక్కర్‌ పాలసీలు చేస్తున్నందుకు చాలా బాధపడుతున్నాను. తన సొంత చేష్టల వల్లే అరెస్ట్ అయితే ఏం చేస్తాడు. అధికారం ముందు ఏదీ పనిచేయదు. అరెస్టు జరిగింది, ఇప్పుడు చట్టం ప్రకారం ఏది జరుగుతుందో అదే జరుగుతుంది అని అన్నా హజారే చెప్పారు. అరవింద్ కేజ్రీవాల్ 2011లో అప్పటి కాంగ్రెస్ ప్రభుత్వ అవినీతికి వ్యతిరేకంగా అన్నా ఉద్యమంలో చేరారు. ఆయన 2012లో తన సొంత రాజకీయ పార్టీని స్థాపించి, ముఖ్యమంత్రి పదవికి పోటీ పడ్డాడు. ఒక ప్రధాన పరిణామంలో, ఢిల్లీ ముఖ్యమంత్రి అరవింద్ కేజ్రీవాల్ ఎక్సైజ్ పాలసీతో ముడిపడి ఉన్న మనీలాండరింగ్ కేసుకు సంబంధించి ఎన్‌ఫోర్స్‌మెంట్ డైరెక్టరేట్ తనను అరెస్టు చేయడాన్ని వ్యతిరేకిస్తూ సుప్రీంకోర్టులో చేసిన పిటిషన్‌ను ఉపసంహరించుకున్నారు. సుప్రీంకోర్టు విచారణ సందర్భంగా, ఢిల్లీ ముఖ్యమంత్రి పిటిషన్‌ను ఉపసంహరించుకోవాలని నిర్ణయించుకున్నారని అరవింద్ కేజ్రీవాల్ తరపున సీనియర్ న్యాయవాది అభిషేక్ మను సింఘ్వీ ధర్మాసనానికి తెలియజేశారు. కేజ్రీవాల్ రిమాండ్‌ విచారణలో వైరుధ్యం ఉన్నందున ఉపసంహరణ తప్పనిసరి అని సింఘ్వీ పేర్కొన్నారు.
