బెంగళూరు నుంచి కేరళ వెళ్తున్న ఓ ప్రైవేట్ బస్సులో మంటలు చెలరేగాయి. ధర్మపురి-సేలం జాతీయ రహదారిపై గెంగాళాపురం ప్రాంతంలో బస్సులో మంటలు చెలరేగాయి. ఆ బస్సు అందరూ చూస్తుండగానే మంటల్లో దగ్ధమైంది. మరోవైపు దట్టమైన పొగ ఆ ప్రాంతాన్ని చుట్టుముట్టడంతో భారీగా ట్రాఫిక్ జాం అయింది. ఈ ఘటనపై సమాచారం అందుకున్న పోలీసు బృందం మరియు అంబులెన్స్‌తో సహా అధికారులు వెంటనే సంఘటనా స్థలానికి చేరుకున్నారు. అప్పటికే బస్సు మంటల్లో దగ్ధం కాగా, ఆ బస్సు డ్రైవర్, కండక్టర్ ప్రమాదం జరిగిన వెంటనే కిందకు దూకి ప్రాణాలు కాపాడుకున్నారు. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు.
