బ్లూమ్‌బెర్గ్ బిలియనీర్స్ ఇండెక్స్ అనేది ప్రపంచంలోని అత్యంత ధనవంతుల ర్యాంకింగ్ ను వెల్లడిస్తుంది. ప్రతి బిలియనీర్ యొక్క నికర విలువల గురించి వివరాలను ఈ సంస్థ నిత్యం అందిస్తుంది. దాదాపు $229.9 బిలియన్ల నికర విలువతో ఎలాన్ మస్క్ ప్రపంచంలోనే అత్యంత సంపన్న వ్యక్తిగా తొలి స్థానంలో ఉండగా.. రెండో స్థానంలో బెర్నార్డ్ ఆర్నాల్ట్ ($221.4 బిలియన్), మూడో స్థానంలో జెఫ్ బెజోస్ ($149.3 బిలియన్)లతో పాటు లారీ ఎల్లిసన్ ($145.6 బిలియన్) నాలుగో స్థానంలో ఉన్నాడు. వారెన్ బఫెట్ 116.7 బిలియన్ డాలర్లతో ప్రపంచవ్యాప్తంగా ఐదవ అత్యంత సంపన్న వ్యక్తిగా ఉన్నాడు. బిల్ గేట్స్ $116.1 బిలియన్ల వ్యక్తిగత సంపదతో 6వ ప్లేస్ లో నిలిచాడు. $105.0 బిలియన్లతో లారీ పేజ్ 7వ స్థానంలో ఉండగా..స్టీవ్ బాల్మెర్ నికర విలువ $101.8 బిలియన్లతో 8వ స్థానంలో నిలిచారు. కార్లోస్ స్లిమ్ హెలు ($100.9 బిలియన్) ప్రపంచ జాబితాలోని 9వ స్థానాన్ని ఆక్రమించగా, సెర్గీ బ్రిన్ ($98.8 బిలియన్) 10వసంపన్న వ్యక్తులలో ఒకరిగా నిలిచారు. ఆసియాలో అత్యంత సంపన్నుల టాప్ 10 జాబితా ఇదే.. ఆసియాఖండంలోని ఆర్థిక వ్యవస్థలు ఊపందుకుంటున్నందున, ప్రపంచ ఆర్థిక విధానాలపై ఆసియా బిలియనీర్ల ప్రభావం పెరుగుతూనే ఉంది. 2023లో ఆసియాలోని టాప్ 10 సంపన్న వ్యక్తులను పరిశీలిస్తే వారి సంపదలో హెచ్చుతగ్గుల కారణంగా, ర్యాంకింగ్‌లు మారుతున్నాయి. భారత్ కు చెందిన గౌతమ్ అదానీ ఇప్పుడు ఆసియాలో అత్యంత సంపన్న వ్యక్తిగా నిలిచారు. ప్రస్తుతం ఈ జాబితాలో మొదటి స్థానంలో ఆయన ఉన్నారు. అతను దాదాపు 124.8 బిలియన్ US డాలర్ల నికర విలువను కలిగి ఉన్నాడు..ఇది అతనిని ఆసియా 2023 జాబితాలో అత్యంత ధనవంతుల జాబితాలో నిలిపింది. కాగా.. రెండో స్థానంలో ముఖేష్ అంబానీ ఉన్నాడు. ప్రస్తుతం ఆయన సంపద దాదాపు 89.5 బిలియన్ US డాలర్లుగా ఉంది.
