పశ్చిమ బెంగాల్ లోని కోల్‌కతా నగరంలో ఎస్ఎస్‌కేఎం ప్రభుత్వ ఆసుపత్రి రెండో అంతస్తులో రాజుకున్న మంటలు నిమిషాల వ్యవధిలోనే సీటీ స్కాన్ గది, ఎక్స్ రే రూంలోకి వ్యాపించాయి. ఎలక్ట్రిక్ షార్ట్ సర్క్యూట్ వల్ల ఈ అగ్నిప్రమాదం సంభవించిందని పోలీసులు అనుమానం వ్యక్తం చేశారు. అదృష్టవశాత్తూ ఈ అగ్ని ప్రమాదంలో రోగులెవరూ గాయపడలేదు.10 అగ్నిమాపక వాహనాలు హుటాహుటిన సంఘటన స్థలానికి వచ్చి మంటలను అదుపులోకి తీసుకువచ్చాయి. అగ్నిప్రమాదం జరిగిన ప్రభుత్వ ఆసుపత్రిని మంత్రులు ఫిర్హాద్ హకీం, అరుప్ బిశ్వాస్, డీసీపీ ఆకాష్ మఘారియాలు సందర్శించారు.
