బిస్లరీ ఇంటర్నేషనల్‌ను రమేష్ చౌహాన్ టాటా కన్స్యూమర్ ప్రొడక్ట్స్ లిమిటెడ్ ను 6,000 నుండి 7,000 కోట్ల రూపాయలకు విక్రయిస్తున్నారు. ఒప్పందం ప్రకారం ప్రస్తుత నిర్వహణ రెండేళ్లపాటు కొనసాగుతుంది. 82 ఏళ్ల చౌహాన్‌కు గత కొంతకాలంగా ఆరోగ్యం బాగాలేదని, బిస్లరీని తదుపరి స్థాయి విస్తరణకు తీసుకెళ్లే వారసుడు తనకు లేడని చెప్పారు. చౌహాన్ మాట్లాడుతూ కుమార్తె జయంతికి వ్యాపారంపై పెద్దగా ఆసక్తి లేదని తెలిపారు. బిస్లరీ భారతదేశంలోనే అతిపెద్ద ప్యాకేజ్డ్ వాటర్ కంపెనీ. బిస్లరీని విక్రయించడం ఇప్పటికీ బాధాకరమైన నిర్ణయమే అయినప్పటికీ టాటా గ్రూప్ దానిని మరింత మెరుగ్గా నిర్వహస్తుందని చౌహాన్ చెప్పారు. రిలయన్స్ రిటైల్, నెస్లే, డానోన్‌తో సహా అనేక కంపెనీలు బిస్లరీని టేకోవర్ చేయడానికి ప్రయత్నించాయి. టాటాతో చర్చలు రెండేళ్లుగా కొనసాగుతున్నాయి. కొన్ని నెలల క్రితం టాటా సన్స్ ఛైర్మన్ ఎన్. చంద్రశేఖరన్, టాటా కన్స్యూమర్ సీఈఓ సునీల్ డిసౌజాతో సమావేశమైన తర్వాత వారు నిర్ణయం తీసుకున్నారు. బిస్లరీ నిజానికి ఒక ఇటాలియన్ బ్రాండ్. ఇది భారతదేశంలో 1965లో ముంబైలో ఏర్పాటు చేసింది. చౌహాన్ దీనిని 1969లో కొనుగోలు చేశారు. కంపెనీకి 122 ప్లాంట్లు, 4,500 పంపిణీదారుల నెట్‌వర్క్ ఉంది.
