సర్పానికి నోటితో ఆక్సిజన్
مايو 30, 2021
0
పామును చూస్తేనే భయపడతాము. అలాంటిది ఒడిశా మల్కన్గిరి జిల్లాలోని నువాగూడ షాహీలో ఓ వ్యక్తి చావు బ్రతుకుల్లో ఉన్న నాగుపాము (కోబ్రా)కు నోటితో ఆక్సిజన్ అందించి రక్షించాడు. తన ఇంటిలో పామును చూసిన యజమాని సహాయం కోసం స్నేక్ హెల్ప్లైన్ ను సంప్రదించాడు. అక్కడికి చేరుకున్న హెల్ప్లైన్ సిబ్బంది ఆ పాము ప్రాణాపాయ స్థితిలో ఉన్నట్లు గుర్తించారు. పాకలేని స్థితిలో సొమ్మసిల్లిపోయి ఉన్న కోబ్రాకు స్నేహాశీష్ అనే హెల్ప్లైన్ సభ్యుడు చిన్న పైపు సాయంతో నోటితో గాలి ఊదాడు. దీంతో కాసేపటికి ఆ పాములో చలనం కనిపించింది. దీనిని వీడియో తీసి సోషల్ మీడియాలో పెట్టారు. ఈ విజువల్స్ వైరల్గా మారాయి. సకాలంలో స్పందించి పాము ప్రాణాలు రక్షించిన స్నేహాశీష్పై ప్రశంసలు కురుస్తున్నారు