పచ్చి కొబ్బరి తింటే దగ్గు వస్తుందని, బరువు పెరుగుతారని అంటూంటారు. కానీ ఇది ఎంత మాత్రం నిజం కాదు. మరీ ఎక్కువగా తింటే దగ్గు వస్తుంది కానీ బరువు పెరగరని నిపుణులు చెబుతున్నారు. పచ్చి కొబ్బరిని రోజూ తగిన మోతాదులో తీసుకుంటే ఎన్నో అనారోగ్య సమస్యలు తగ్గించుకోవచ్చు. పచ్చి కొబ్బరి యాంటీ బయోటిక్ గా పని చేస్తుంది. శరీరంలో ఇమ్యూనిటీని పెంచడంతో పాటు చర్మ, జుట్టు సమస్యలను తగ్గిస్తుంది. పచ్చి కొబ్బరిని వీలైనప్పుడల్లా తింటూ ఉంటే శరీంలో ఇమ్యూనిటీ పెంచుతుంది. అలాగే వైరస్, బ్యాక్టీరియాలతో పోరాడే శక్తి కూడా లభిస్తుంది. ఇన్ ఫెక్షన్ల బారిన పడే అవకాశం తక్కువగా ఉంటుంది. పిల్లలకు కూడా పచ్చి కొబ్బరిని ఇవ్వొచ్చు. మంచి కొలెస్ట్రాల్ స్థాయిలు పెరుగుతాయి. దీంతో రక్తంలో ఎలాంటి మలినాలు ఏర్పడవు. గుండె కూడా ఆరోగ్యంగా ఉంటుంది. ఫైబర్, పీచు పదార్థం శాతం ఎక్కువగా ఉంటుంది. కాబట్టి తిన్న ఆహారం త్వరగా జీర్ణం అవుతుంది. దీంతో జీర్ణ సమస్యలు కూడా త్వరగా రావు. అలాగే మలబద్ధకం సమస్యలు కూడా తగ్గుతాయి. చాలా మంది థైరాయిడ్ సమస్యతో బాధ పడుతూంటారు. ఇలాంటి వారికి పచ్చి కొబ్బరి బాగా హెల్ప్ చేస్తుంది. పచ్చి కొబ్బరిలో ఉండే పోషకాలతో థైరాయిడ్ ను తగ్గించు కోవచ్చు. మెదడు ఆరోగ్యంగా పని చేస్తుంది. అలాగే చురుకుగా పని చేస్తుంది. అల్జీ మర్స్ వంటి సమస్యలు రాకుండా ఉంటాయి. ఎదిగే పిల్లలకు పచ్చి కొబ్బరిని ఇవ్వడం వల్ల వారికి కావాల్సిన పోషకాలు అందుతాయి. పిల్లలలో ఎదుగుదల చక్కగా ఉంటుంది. రక్త హీనత సమస్య తగ్గుతుంది. అలాగే చిన్న వయసులోనే ఎముకలు, కండరాలు గట్టి పడతాయి. కావాల్సిన శక్తి లభిస్తుంది. చర్మం, జుట్టు సమస్యలు తగ్గుతాయి. ఆరోగ్యంగా ఉంటాయి. చర్మం కాంతిని సొంతం చేసుకుంటుంది. వృద్ధాప్య ఛాయలు మన దరి చేరకుండా ఉంటాయి.
No comments:
Post a Comment