జార్ఖండ్ ముఖ్యమంత్రి హేమంత్ సోరెన్ నివాసంపై ఎన్‌ఫోర్స్‌మెంట్‌ డైరెక్టరేట్‌ దాడులు నిర్వహిస్తోంది. టెండర్‌ స్కామ్‌ వ్యవహారంలో సీఎం హేమంత్ సహా ఆయన సన్నిహితుల ఇళ్లలో ఈడీ అధికారులు సోదాలు నిర్వహిస్తున్నారు. సాహెబ్గంజ్, మీర్జా చౌకీ, బర్హార్వా, రాజ్‌మహల్ సహా మొత్తం 18 ప్రాంతాల్లో శుక్రవారం తెల్లవారుజాము నుంచే సోదాలు చేస్తున్నారు. సీఎం సోరెన్ నివాసంతో పాటు ఆయన ప్రతినిధి పంకజ్ మిశ్రా నివాసంలో కూడా పారా మిలటరీ బలగాల సహాయంతో ఈడీ విస్తృతంగా తనిఖీలు నిర్వహిస్తోంది.
