యూట్యూబర్ అరెస్ట్ ! - తెలుగు లో ఇంటర్నెట్ : UPDATE NEWS

Breaking

Ad

Post Top Ad

TELUGU LO COMPUTER NEWS

Visit telugulocomputer.blogspot.com!

Post Top Ad

adg

Saturday, 11 June 2022

యూట్యూబర్ అరెస్ట్ !


మహమ్మద్ ప్రవక్తపై వివాదాస్పద వ్యాఖ్యలు చేసిన నూపుర్ శర్మ (ఫొటో) తలను కత్తితో నరికినట్లు ప్రదర్శిస్తూ ఓ వీడియోను చిత్రీకరించినందుకు కశ్మీరుకు చెందిన యూట్యూబర్ ఫైజల్ వనీని అరెస్టు చేశారు. వనీ యూట్యూబ్‌లో 'డీప్ పెయిన్ ఫిట్నెస్' పేరుతో ఓ చానల్‌ను నిర్వహిస్తున్నారు. ఈ వివరాలను జమ్మూ-కశ్మీరు పోలీసులు శనివారం మీడియాకు తెలిపారు. అంతకుముందు వనీ మాట్లాడుతూ, బీజేపీ నుంచి సస్పెండయిన నూపుర్ శర్మ తలను తెగ్గోసినట్లు ప్రదర్శిస్తూ వీడియోను తాను రూపొందించానని, అది క్షణాల్లోనే వైరల్ అయిందని చెప్పారు. అయితే తనకు ఎటువంటి దురుద్దేశాలు లేవన్నారు. తాను ఆ వీడియోను డిలీట్ చేశానన్నారు. ఆ వీడియో ఎవరినైనా గాయపరచి ఉంటే క్షమించాలని కోరానని చెప్పారు. నూపుర్ శర్మ గత నెలలో ఓ టీవీ చర్చా కార్యక్రమంలో బీజేపీ అధికార ప్రతినిధి హోదాలో మాట్లాడారు. ప్రవక్త మహమ్మద్‌పై వివాదాస్పద వ్యాఖ్యలు చేశారు. దీంతో ముస్లిం దేశాలు తీవ్ర ఆగ్రహం వ్యక్తం చేశాయి. అప్రమత్తమైన బీజేపీ దిద్దుబాటు చర్యలు చేపట్టింది. నూపుర్ శర్మతోపాటు మరో నేత నవీన్ జిందాల్‌పై చర్యలు తీసుకుంది. టీవీ చర్చల్లో పాల్గొనే ప్రతినిధులకు నూతన మార్గదర్శకాలను జారీ చేసింది.

No comments:

Post a Comment