దేశంలో కరోనా మహమ్మారి కేసులు పెరుగుతున్నాయి. గత 24 గంటల్లో 2,527 కొత్త కరోనా కేసులు, 33 మరణాలు సంభవించినట్లు కేంద్ర ఆరోగ్య మంత్రిత్వ శాఖ ప్రకటించింది. 2,000 కంటే ఎక్కువ కరోనా కేసులు నమోదు కావడం వరుసగా నాలుగో రోజు. శనివారం నాటి సంఖ్యతో, దేశంలో ఇప్పుడు యాక్టివ్ కేసుల సంఖ్య 15,079కి చేరుకుంది. ప్రస్తుతం క్రియాశీల కేసుల రేటు 0.04 శాతానికి పెరిగింది. రోజువారీ సానుకూలత రేటు 0.56 శాతంగా ఉంది. గత 24 గంటల్లో మొత్తం 1,656 మంది రోగులు కోలుకున్నారు, ఇది దేశవ్యాప్తంగా కోలుకున్న వారి సంఖ్య 4,25,17,724కి చేరుకుంది. శుక్రవారంనాడు 4.5 లక్షల మందికి కరోనా నిర్ధారణ పరీక్షలు నిర్వహించారు. నిన్న నమోదైన 33 కరోనా మరణాలు కేరళలో నమోదయిన మృతుల సంఖ్య 31 కాగా మరో రెండు మరణాలు దేశ రాజధాని ఢిల్లీలో చోటుచేసుకున్నాయి. దీంతో ఇప్పటి వరకు దేశవ్యాప్తంగా 5.22 లక్షల మంది కరోనా మహమ్మారి కారణంగా ప్రాణాలు కోల్పోయారు. ఈ రోజు కూడా కొత్త కేసులు కంటే రికవరీలు తక్కువగా నమోదవడం ప్రధానంగా కనిపిస్తుంది. ఇక రికవరీ రేటు 98.75 శాతానికి చేరుకుంది. నిన్ను ఒక్క రోజే దేశంలో 19. 13 లక్షల మందికి కరోనా వ్యాక్సిన్లు ఇవ్వగా, ఇప్పటి వరకు దేశవ్యాప్తంగా 187 కోట్లకుపైగా వ్యాక్సిన్ డోసులు పంపిణీ అయ్యాయి.
