జపాన్‌ రాకుమారి మకో (30) తన ప్రియుడు కీ కొమురో (29)ను అక్టోబరు 26న పెళ్లాడనుంది. జపాన్‌ చక్రవర్తి నరుహిటో మేనకోడలైన మకోకు టోక్యో ఇంటర్నేషనల్‌ క్రిస్టియన్‌ యూనివర్శిటీలో కొమురో సహాధ్యాయి. 2017లోనే ఈ జంట తాము ప్రేమపెళ్లి చేసుకోబోతున్నట్లు ప్రకటించింది. కొమురో తల్లి కారణంగా తలెత్తిన ఆర్థిక వివాదాలతో ఈ పెళ్లి అప్పట్లో రద్దయింది. దీంతో న్యూయార్క్‌ వెళ్లిపోయిన కొమురో 'లా' చదివి, వారం రోజుల కిందటే జపాన్‌కు తిరిగొచ్చాడు. ఈ మూడేళ్లలో ఒక్కసారి కూడా అతడు జపాన్‌ వైపు తిరిగి చూడలేదు. వీరిద్దరి పెళ్లికి అంగీకరించిన రాజకుటుంబం గతంలోని ఆర్థిక వివాదాలతో ప్రజల్లో కొంత వ్యతిరేకత ఉన్నందున వివాహానికి పెద్దగా హడావుడి చేయట్లేదని శుక్రవారం ప్రకటించింది. వివాహానంతరం ఈ జంట న్యూయార్క్‌ వెళ్లి అక్కడే స్థిరపడనుంది. జపాన్‌ రాజకుటుంబ మహిళలు సామాన్యులను పెళ్లాడితే రాచరికాన్ని వదులుకోవాల్సి ఉంటుంది. ఇందుకు సిద్ధపడ్డ మకో రాజభరణం కింద తనకు వచ్చే రూ.10 కోట్ల (150 మిలియన్‌ యెన్‌లు) మొత్తాన్ని కూడా తిరస్కరించింది.
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment