ఆకాశ వీధిలో హాయిగా ఎగిరేవు
దేశ దేశాలన్ని తిరిగి చూసేవు
ఏడ తానున్నాడో బావా..
ఏడ తానున్నాడో బావా..
జాడ తెలిసిన పోయిరావా ఆ ఆ ఆ
అందాల ఓ మేఘమాలా ఆ ఆ ఆ
చందాల ఓ మేఘమాలా..
గగనసీమల తేలు ఓ మేఘమాల
మా ఊరు గుడి పైన మసలి వస్తున్నావా..
మల్లి మాటేదైన నాతో మనసు
చల్లగా చెప్పి పోవా ఆ...
నీలాల ఓ మేఘమాల ఆ.. రాగాల ఓ మేఘమాల
మమతలెరిగిన మేఘమాలా
మమతలెరిగిన మేఘమాలా
నా..మనసు బావకు చెప్పిరావా
ఎన్నాళ్ళు నాకళ్ళు దిగులుతో రేపవలు
ఎన్నాళ్ళు నాకళ్ళు దిగులుతో రేపవలు
ఎదురు తెన్నులు చూచేనే
బావకై చెదరి కాయలు కాచెనే ఏ ఏ ఏ
నీలాల ఓ మేఘమాలా ఆ.. రాగాలా ఓ మేఘమాలా
మనసు తెలిసిన మేఘమాలా ఆ ఆ..
మరువలేనని చెప్పలేవా
మల్లితో మరువలేనని చెప్పలేవా
కళ్ళు తెరచినగాని కళ్లు మూసినగాని
కళ్ళు తెరచినగాని కళ్లు మూసినగాని
మల్లి రూపే నిలిచేనే నా
చెంత మల్లి మాటే పిలిచెనే
జాలి గుండెల మేఘమాలా
బావ లేనిది బ్రతుకజాలా
జాలి గుండెల మేఘమాలా...
కురియు నా కన్నీరు గుండెలో దాచుకుని
వాన జల్లుగ కురిసిపోవా
కన్నీరు ఆనవాలుగ బావ మ్రోల...
సాహిత్యం .... దేవులపల్లి
